मुंबई : राष्ट्रवादी काँग्रेस पक्षातर्फे लोकसभा निवडणुकीसाठी पहिली १२ उमेदवारांची यादी १४ मार्च २०१९ रोजी यादी जाहीर केल्यानंतर १५ मार्चला आणखी पाच उमेवारांची घोषणा प्रदेशाध्यक्ष आमदार जयंतराव पाटील यांनी पत्रकार परिषदेत केली.
यामध्ये धनराज महाले (दिंडोरी), समीर भुजबळ (नाशिक), डॉ. अमोल कोल्हे (शिरुर), बजरंग सोनवणे (बीड), पार्थ पवार (मावळ) यांचा समावेश आहे. लोकसभेची आणखी काही उमेदवारांची यादी शिल्लक आहे. काँग्रेस पक्षासोबत जागावाटपाची चर्चा सुरू असल्यामुळे एकत्रित नावे जाहीर केली जाणार असल्याचे पाटील यांनी या वेळी सांगितले.
शरद पवार यांनी माढा निवडणूक न लढवण्याचा निर्णय घेतल्यानंतर सर्वांशी सल्लामसलत करून नाव जाहीर केले जाईल, असे सांगतानाच एक-दोन दिवसांत इतर नावांची यादीही जाहीर केली जाणार असल्याचे त्यांनी स्पष्ट केले.
या वेळी राष्ट्रीय प्रवक्ते नवाब मलिक, पक्षाचे कोषाध्यक्ष आमदार हेमंत टकले, माजी मंत्री जितेंद्र आव्हाड, माजी मंत्री अनिल देशमुख, प्रदेश सरचिटणीस शिवाजीराव गर्जे उपस्थित होते.